Ċara, kredibbli, mill-aktar avvanzata: il-komunikazzjoni f'dinja li qed tinbidel

Meta jitkellmu l-banek ċentrali, dan jaffettwa s-swieq finanzjarji, l-ekonomija u fl-aħħar mill-aħħar il-ħajja tan-nies. Fil-fatt, il-komunikazzjoni nnifisha hija għodda tal-politika monetarja, minħabba li ssawwar l-aspettattivi dwar l-ekonomija, u tinfluwenza d-deċiżjonijiet tad-ditti, l-investituri u l-konsumaturi. Jekk il-BĊE jkun mifhum sew, dan jagħmel il-politika tagħna aktar effettiva u kredibbli. Barra minn hekk, issaħħaħ il-fiduċja tan-nies li se nieħdu d-deċiżjonijiet it-tajbin. Huwa għalhekk li l-komunikazzjoni tagħna jeħtieġ li tkun ċara, konsistenti u aċċessibbli. U hekk kif it-teknoloġija toffri modi ġodda ta’ komunikazzjoni u n-nies ibiddlu l-mod kif jiksbu l-aħbarijiet, jeħtieġ li timxi maż-żminijiet. L-esperti u l-pubbliku ġenerali jeħtieġ li dejjem ikollhom l-informazzjoni meħtieġa biex jieħdu deċiżjonijiet infurmati. Il-BĊE huwa impenjat li jaġġorna kontinwament il-komunikazzjoni tiegħu biex jiżgura li n-nies ikunu jafu x'nagħmlu, għaliex nagħmluha u għaliex hija importanti għalihom.